താമരശേരി:വലിയപറമ്പ് കത്തറമ്മല്‍ എ.എം.യു.പി സ്‌കൂള്‍ വാര്‍ഷികാഘോഷങ്ങളുടെ ഭാഗമായി എസ്.എസ്.എ യുടെ സഹകരണത്തോടെ നടന്ന മാപ്പിള കലാ ശില്‍പശാലയും സെമിനാറും ബാപ്പു വാവാട് ഉദ്ഘാടനം ചെയ്തു. ചടങ്ങില്‍ കൊടുവള്ളി ബി.പി.ഒ വി.എം മെഹറലി അധ്യക്ഷയായി.
സപ്ലിമെന്റ് കൊടുവള്ളി എ.ഇ.ഒ എന്‍.പി അബ്ബാസ് പി.ടി.എ പ്രസിഡന്റ് പി.കെ.സി എളേറ്റിലിന് നല്‍കി പ്രകാശനം ചെയ്തു. പി.എ ഖാദര്‍ മാസ്റ്റര്‍, ഡി .മജീദ് മാസ്റ്റര്‍, ഇ.പി കുഞ്ഞിമൊയ്തീന്‍ മാസ്റ്റര്‍ സംസാരിച്ചു. ഹെഡ് മാസ്റ്റര്‍ ടി.കെ ഖാദര്‍ സ്വാഗതവും സ്റ്റാഫ് സെക്രട്ടറി രമേശ് കുമാര്‍ നന്ദിയും പറഞ്ഞു.