താമരശേരി: താമരശേരി പ്രസ്‌ഫോറത്തിന്റെ ഒരു വര്‍ഷം നീണ്ടു നില്‍ക്കുന്ന രജതജൂബിലി ആഘോഷങ്ങള്‍ക്ക് ഇന്ന് രാവിലെ 10.30ന് തുടക്കമാവും.
രാജീവ്ഗാന്ധി ഓഡിറ്റോറിയത്തില്‍ കേരള നിയമസഭാ സ്പീക്കര്‍ പി.ശ്രീരാമകൃഷ്ണന്‍ ഉദ്ഘാടനം ചെയ്യും. കാരാട്ട് റസാഖ് എം.എല്‍.എ അധ്യക്ഷനാകും. എം.കെ രാഘവന്‍ എം.പി മുഖ്യാതിഥിയാവും. എം.എല്‍.എമാരായ ജോര്‍ജ്ജ് എം.തോമസ്, പുരുഷന്‍ കടലുണ്ടി, മുന്‍ എം.എല്‍.എമാരായ സി.മോയിന്‍കുട്ടി, വി.എം ഉമ്മര്‍മാസ്റ്റര്‍, ബ്ലോക്ക് പഞ്ചായത്ത് പ്രസിഡന്റ് സി.ടി വനജ, ഗ്രാമപഞ്ചായത്ത് പ്രസിഡന്റുമാരായ കെ.സരസ്വതി, കെ.കെ നന്ദകുമാര്‍, ബേബി രവീന്ദ്രന്‍, കദീജ മുഹമ്മദ്, ജനപ്രതിനിധികള്‍, വിവിധ രാഷ്ട്രീയ സാമൂഹ്യ സാംസ്‌കാരിക രംഗത്തെ പ്രമുഖര്‍ പരിപാടിയില്‍ സംബന്ധിക്കും.
മാധ്യമ സെമിനാര്‍, ഫിലിം ഫെസ്റ്റിവല്‍,വികസന സെമിനാര്‍, സാഹിത്യ ശില്‍പശാല, കുടുംബ സംഗമം, ആദ്യകാല പത്രപ്രവര്‍ത്തകരെ ആദരിക്കല്‍, ഹാള്‍ നവീകരണം എന്നീ പരിപാടികളാണ് രജതജൂബിലി വര്‍ഷത്തില്‍ നടത്തുന്നത്.