ജിന്‍ഡ(ഹരിയാന): ഹരിയാന ജിന്‍ഡ് ജില്ലയിലെ ബക്ര കനാലില്‍ 12 മൃതദേഹങ്ങള്‍ കണ്ടെടുത്തു. പഞ്ചാബില്‍ നിന്ന് ഒഴുകിയെത്തയതായിരിക്കും മൃതദേഹങ്ങളെന്നാണ് പൊലിസിന്റെ നിഗമനം. പഞ്ചാബില്‍ നിന്ന് ഒഴുകുന്ന കനാലാണ് ബക്ര.

സംഭവത്തില്‍ അന്വേഷണം ആരംഭിച്ചിട്ടുണ്ട്. കാണാതായ ആളുകളെ കുറിച്ചുള്ള വിവരം ശേഖരിക്കാന്‍ പഞ്ചാബിലേയും ഹിമാചല്‍ പ്രദേശിലേയും ഉദ്യോഗസ്ഥര്‍ക്ക് നിര്‍ദ്ദേശം നല്‍കിയതായി ഹരിയാന പൊലിസ് പറഞ്ഞു.

കണ്ടെടുത്ത മൃതദേഹങ്ങള്‍ നര്‍വാന സിവില്‍ ആശുപത്രിയില്‍ സൂക്ഷിച്ചിരിക്കുകയാണ്.