പന്നിക്കോട്ടൂര്‍: ഗവ. എല്‍.പി.സ്‌കൂള്‍ പന്നിക്കോട്ടൂരിന്റെ അറുപതാം വാര്‍ഷികാഘോഷത്തോടനുബന്ധിച്ച് വിദ്യാര്‍ത്ഥികളുടെ കലാപരിപാടികളും സര്‍വിസില്‍ നിന്ന് വിരമിക്കുന്ന പ്രധാനാധ്യാപകനുള്ള യാത്രയയപ്പും സംഘടിപ്പിച്ചു. നാലുവര്‍ഷമായി പ്രധാനാധ്യാപകനായി സേവനമനുഷ്ടിക്കുന്ന എം.പി ഉസ്മാന്‍ മാസ്റ്റര്‍ക്കാണ് പി.ടി.എയും നട്ടുകാരും ചേര്‍ന്ന് യാത്രയയപ്പ് നല്‍കിയത്. എം.എല്‍.എ കാരാട്ട് റസാഖ് ഉദ്ഘാടനം ചെയ്തു. ജില്ലാ പഞ്ചായത്ത് മെംബര്‍ വി. ഷക്കീല ടീച്ചര്‍ അറുപതാം വാര്‍ഷികാഘോഷ പ്രഖ്യാപനം നടത്തി. ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍ പേഴ്‌സന്‍ ഐ. ആമിന ടീച്ചര്‍ അധ്യക്ഷയായി.
എന്‍.പി മുഹമ്മദ്, നിഷ ചന്ദ്രന്‍, എ.ഇ.ഒ എന്‍.പി മുഹമ്മദ് അബ്ബാസ്, ബി.സി റഷീദ്, അബ്ബാസ് കുണ്ടുങ്ങര, വി.പി സലീം, ബി.സി മുഹമ്മദ്, എന്‍. ബാലകൃഷ്ണന്‍, ടി.പി ദാമോദരന്‍, വി.പി സൈദ്, കെ.എം. സുഹറാബി, എം.പി.സി ഷുക്കൂര്‍, എന്‍.കെ അഹമ്മദ്, പി.ടി സിറാജുദ്ദീന്‍, എന്‍.കെ മുഹമ്മദ് മുസ്ല്യാര്‍, എ. കാസിം, എം.പി ഉസ്മാന്‍ സംസാരിച്ചു. അഷ്‌റഫ് കൊടുവള്ളി, സജ്‌ന തിരുവമ്പാടി എന്നിവര്‍ നേതൃത്വം നല്‍കിയ ഗാനമേളയും സംഘടിപ്പിച്ചു. പി.ടി.എ പ്രസിഡന്റ് ടി.പി അജയന്‍ സ്വാഗതവും ഒ.പി മുഹമ്മദ് നന്ദിയും പറഞ്ഞു.