ഗൂഡല്ലൂര്‍: കാട്ടാനക്കുട്ടിയെ ചരിഞ്ഞ നിലയില്‍ കണ്ടെത്തി. ഊട്ടി-മേട്ടുപാളയം ദേശീയ പാതയിലെ ബര്‍ളിയാര്‍ ചുരത്തിലെ എട്ടാംവളവിലാണ് കാട്ടാനക്കുട്ടിയുടെ ജഡം കണ്ടെത്തിയത്.
കാട്ടാനക്കൂട്ടത്തെ തുരത്താനെത്തിയ വനപാലകരാണ് ജഡം കണ്ടത്. പാറക്കെട്ടില്‍ നിന്ന് വീണാവാം നാലു വയസുള്ള ആന ചരിഞ്ഞതെന്നാണ് പ്രാഥമിക നിഗമനം.
വിവരമറിഞ്ഞ് ഡി.എഫ്.ഒ ഇന്‍ചാര്‍ജ് രാജ്കുമാര്‍, റെയ്ഞ്ചര്‍ ശിവ എന്നിവരുടെ നേതൃത്വത്തിലുള്ള വനപാലക സംഘം സ്ഥലത്തെത്തി തുടര്‍നടപടി സ്വീകരിച്ചു.