കല്‍പ്പറ്റ: വ്രതാനുഷ്ടാനത്തിന്റെ പരിസമാപ്തി കുറിക്കപ്പെടുന്ന പെരുന്നാള്‍ ആഘോഷം വിവേക പൂര്‍വ്വവും വിശുദ്ധി കാത്ത് സൂക്ഷിച്ചും വിശ്വാസികള്‍ ജാഗ്രത പാലിക്കണമെന്ന് എസ്.വൈ.എസ് ജില്ലാ കമ്മിറ്റി ആവശ്യപ്പെട്ടു.
ജീവ കാരുണ്യ പ്രവര്‍ത്തനങ്ങളിലൂടെയും സഹജീവികളുടെ പ്രയാസങ്ങള്‍ മനസ്സിലാക്കി ഇടപെടുന്നതിലൂടെയും സംഘടനാ പ്രവര്‍ത്തകര്‍ ആഘോഷ വേളകള്‍ കൂടുതല്‍ സജീവമാക്കണമെന്നും യോഗം അഭ്യര്‍ഥിച്ചു. ഇബ്‌റാഹിം ഫൈസി പേരാല്‍ അധ്യക്ഷനായി.
പിണങ്ങോട് അബൂബക്കര്‍ ഹാജി, ഇ.പി മുഹമ്മദലി, മുഹമ്മദ് കുട്ടി ഹസനി, അബ്ദുല്‍ ഖാദര്‍ മടക്കിമല, ഹാരിസ് ബനാന, മുജീബ് ഫൈസി, പി.സി ഉമര്‍, കുഞ്ഞമ്മദ് കൈതക്കല്‍ സംസാരിച്ചു. ശംസുദ്ദീന്‍ റഹ്മാനി സ്വാഗതവും പി സുബൈര്‍ നന്ദിയും പറഞ്ഞു.