എടവണ്ണപ്പാറ: ചാലിയപ്രം ഹൈസ്‌കൂളിന്റെ നൂറ്റിഒമ്പതാം വാര്‍ഷിക ആ ഘോഷങ്ങളുടെ ഉദ്ഘാടനം ജില്ലാ പഞ്ചായത്ത് അംഗം രോഹില്‍ നാഥ് നിര്‍വഹിച്ചു. പി.ടി.എ പ്രസിഡന്റ് യു.കെ നാസര്‍ അധ്യക്ഷനായി. ഒളിംപ്യന്‍ കെ.ടി ഇര്‍ഫാന്‍ മുഖ്യാതിഥിയായിരുന്നു. സര്‍വിസില്‍ നിന്നു വിരമിക്കുന്ന അധ്യാപകരായ കെ.എം രവീന്ദ്രന്‍ മാസ്റ്റര്‍, ടി.ടി അബ്ദുല്‍ കരീം മാസ്റ്റര്‍ എന്നിവര്‍ക്കുള്ള ഉപഹാരവും വിദ്യാലയ വികസന പദ്ധതി പ്രകാശനവും രോഹില്‍ നാഥ് നിര്‍വഹിച്ചു. ജാലകം പ്രസിദ്ധീകരണം വാര്‍ഷിക സപ്ലിമെന്റ് പ്രകാശനം ഒളിംപ്യന്‍ കെ.ടി ഇര്‍ഫാന്‍ നിര്‍വഹിച്ചു. വിദ്യാലയത്തിന് ആശ്വാസം എടവണ്ണപ്പാറ നല്‍കുന്ന ഫസ്റ്റ് ഐഡ് ബോക്‌സ് റഹ്മാന്‍ മധുരക്കുഴി കൈമാറി . വാഴക്കാട് പഞ്ചായത്ത് പ്രസിഡന്റ് ഹാജറ ടീച്ചര്‍ , ബ്ലോക്ക് പഞ്ചായത്ത് സ്റ്റാന്‍ഡിങ് കമ്മിറ്റി അംഗം ഷറഫുന്നീസ, ഗ്രാമ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ എ.പി തങ്കം, ഗ്രാമപഞ്ചായത്ത് അംഗം അശ്‌റഫ് കോരോത്ത്, വേദവ്യാസന്‍, വിദ്യാലയത്തില്‍ നിന്നു വിരമിക്കുന്ന കെ.എം രവീന്ദ്രന്‍ മാസ്റ്റര്‍, ടി.ടി അബ്ദുല്‍ കരീം മാസ്റ്റര്‍, വിദ്യാലയ വികസന സമിതി ചെയര്‍മാന്‍ സി.വി സക്കരിയ്യ, ശംസു , കെ.വി മുഹമ്മദ് കുഞ്ഞി, പി.കെ ബാലഗോപാലന്‍, അബ്ദുല്ല വാവൂര്‍, പി അശ്‌റഫ്, ടി ദിനേശന്‍, കെ ഹമീദ്, കെ ഖമറുന്നീസ, കെ.പി ഫൈസല്‍ സംസാരിച്ചു. ഹൈസ്‌കൂള്‍ ചില്‍ഡ്രന്‍സ് തീയേറ്ററിലെ 70ല്‍ പരം വിദ്യാര്‍ഥികളവതരിപ്പിച്ച പ്രകൃതി സംരക്ഷണ സന്ദേശമുണര്‍ത്തുന്ന നാടകം 'നേരിന്റെ പാട്ടുകാര്‍' വേദിയില്‍ നടന്നു.