ദുബായ്: യു.എ.ഇയില്‍ കൊവിഡ്-19 ബാധിച്ച് നാലു പേര്‍ കൂടി മരിച്ചു. ഇതോടെ രാജ്യത്തെ മരണസംഖ്യ 20 ആയതായി ആരോഗ്യ മന്ത്രാലയം റിപ്പോര്‍ട്ട് ചെയ്തു.പുതുതായി 376 പേര്‍ക്ക് രോഗം സ്ഥിരീകരിച്ചിട്ടുണ്ട്. രോഗബാധിതരുടെ എണ്ണം 3736 ആയി ഉയര്‍ന്നു.

ഇന്ന് മാത്രം 177 പേര്‍ക്ക് രോഗം പൂര്‍ണമായും ഭേദപ്പെട്ടു. രോഗവിമുക്തി നേടിയവരുടെ എണ്ണം ഇതോടെ 588 ആയി. കഴിഞ്ഞ ദിവസങ്ങളില്‍ മാത്രം 20,000 പേര്‍ക്ക് രാജ്യത്ത് പരിശോധന നടത്തിയിരുന്നു. പരിശോധനയുടെ വ്യാപ്തി വര്‍ധിച്ചതോടെയാണ് രോഗികളുടെ എണ്ണം പെട്ടെന്ന് ഉയര്‍ന്നത്.

നിലവില്‍ തുടരുന്ന ചികിത്സാരീതികള്‍ ഫലപ്രദമാണ് എന്നതിന്റെ സൂചനയായാണ് അടുത്തദിവസങ്ങളില്‍ രോഗം ഭേദമായവരുടെ എണ്ണത്തിലുണ്ടായ വര്‍ധന നല്‍കുന്ന സൂചനയെന്നും ആരോഗ്യമന്ത്രാലയം വക്താവ് പറഞ്ഞു.