കൊച്ചി: പുതിയ ബി.ജെ.പി സംസ്ഥാന അധ്യക്ഷനെ കണ്ടെത്താനുള്ള ശ്രമങ്ങള്‍ക്ക് ഇനിയും അവസാനമായില്ല. കൊച്ചിയിലെ സ്വകാര്യഹോട്ടലില്‍ ഇന്നലെ രാവിലെ പത്തുമുതല്‍ കേന്ദ്ര സംസ്ഥാന നേതാക്കള്‍ ചര്‍ച്ച നടത്തിയെങ്കിലും ഫലമുണ്ടായില്ല. സംസ്ഥാന നേതാക്കളുമായി ഒറ്റയ്ക്കും അല്ലാതെയും കേന്ദ്ര നേതാക്കള്‍ ചര്‍ച്ച നടത്തിയെങ്കിലും അന്തിമ തീരുമാനമുണ്ടാക്കാനായില്ല. തങ്ങളുടെ നിലപാടില്‍നിന്ന് വ്യതിചലിക്കാന്‍ മുരളീധര പക്ഷവും കൃഷ്ണദാസ് പക്ഷവും തയാറാക്കാത്തതാണ് അധ്യക്ഷ തെരഞ്ഞെടുപ്പ് സങ്കീര്‍ണമാക്കുന്നത്.