കൊല്ലം: കൊല്ലം കടക്കലില്‍ മൂന്നു പെണ്‍കുട്ടികളെ മാസങ്ങളായി ലൈംഗികമായി പീഡിപ്പിച്ച പിതാവിനെ പൊലീസ് അറസ്റ്റ് ചെയ്തു. ഇതില്‍ രണ്ടു പെണ്‍കുട്ടികള്‍ക്ക് പ്രായപൂര്‍ത്തിയായിട്ടില്ല. 

ഇവരുടെ അമ്മ വിദേശത്താണ്. കുട്ടികള്‍ പഠനത്തില്‍ ശ്രദ്ധയില്ലാത്തവരായി മാറിയതോടെ സ്‌കൂള്‍ അധികൃതര്‍ കൗണ്‍സിലിംഗിനു വിധേയമാക്കിയപ്പോഴാണ് പീഡനവിവരം പുറത്തറിഞ്ഞത്. തുടര്‍ന്ന് സ്‌കൂളില്‍ നിന്ന് ചൈല്‍ഡ് ലൈന്‍ പ്രവര്‍ത്തകരെ വിവരം അറിയിക്കുകയും അവര്‍ പൊലീസിനെ അറിയിച്ചു അറസ്റ്റ് ചെയ്യിക്കുകയുമായിരുന്നു. സംഭവം അറിഞ്ഞ കുട്ടികളുടെ അമ്മ വിദേശത്തു നിന്ന് പുറപ്പെട്ടിട്ടുണ്ട്