മെഹന്തി ഫെസ്റ്റ് നടത്തി
അഞ്ച്കുന്ന്: ഗാന്ധി മെമ്മോറിയല്‍ യു.പി സ്‌കൂളില്‍ അലിഫ് അറബി ക്ലബിന്റെ നേതൃത്വത്തില്‍ മെഹന്തി ഫെസ്റ്റ് നടത്തി. എല്‍.പി, യു.പി വിഭാഗങ്ങളിലായി 50 കുട്ടികള്‍ മൈലാഞ്ചിയിടല്‍ മത്സരത്തില്‍ പങ്കെടുത്തു. ഗോത്രവിഭാഗം കുട്ടികള്‍ക്ക് പ്രത്യേക മത്സരവും സംഘടിപ്പിച്ചു. 50 കുട്ടികള്‍ക്ക് റംസാന്‍ കിറ്റ് വിതരണവും നടത്തി. പ്രധാനാധ്യാപകന്‍ കെ.എ സെബാസ്റ്റ്യന്‍ അധ്യക്ഷനായി.
പി.ടി.എ പ്രസിഡന്റ് കെ.എം വിനോദ് കുമാര്‍ സമ്മാനദാനം നിര്‍വഹിച്ചു. എന്‍.പി മെഹബൂബ്, എം.എം നുസ്രത്ത്, ഷിജി മോള്‍ ജെയിംസ്, ദീപ തോമസ്, പി സിസിലി, ഇ മുഹമ്മദലി സംസാരിച്ചു.