തിരുവനന്തപുരം: സംസ്ഥാനത്ത് ഗ്രീന്‍, ഓറഞ്ച് ബി സോണ്‍ ജില്ലകളില്‍ കോടതികള്‍ ചൊവ്വാഴ്ച്ച തുറക്കും. പത്തനംതിട്ട, കൊല്ലം ജില്ലകളില്‍ കോടതികള്‍ ശനിയാഴ്ച്ച മുതല്‍ പ്രവര്‍ത്തിക്കും. എന്നാല്‍ റെഡ് സോണ്‍ ജില്ലകളായ കാസര്‍കോട്, കണ്ണൂര്‍, മലപ്പുറം, കോഴിക്കോട് ജില്ലകളില്‍ ലോക്ഡൗണ്‍ അവസാനിക്കുന്ന മെയ് മൂന്നുവരെ കോടതികള്‍ അടഞ്ഞികിടക്കുമെന്നും ഹൈക്കോടതി ഇറക്കിയ സര്‍ക്കുലറില്‍ പറയുന്നു.

വീഡിയോ കോണ്‍ഫറന്‍സ് വഴിയാവും കേസുകള്‍ പരിഗണിക്കുന്നത്. കോടതിയില്‍ എത്തുന്ന കക്ഷികളുടെ കാര്യത്തില്‍ നിയന്ത്രണങ്ങള്‍ ഉണ്ടാവും.

സുപ്രിംകോടതിയുടേയും സംസ്ഥാന സര്‍ക്കാരിന്റെയും മാര്‍ഗരേഖകള്‍ അനുസരിച്ചാണ് കോടതികളുടെ പ്രവര്‍ത്തനങ്ങള്‍ ക്രമീകരിച്ചിരിക്കുന്നതെന്നും ഹൈക്കോടതി സര്‍ക്കുലറിലൂടെ അറിയിച്ചു.

പ്രവര്‍ത്തനം ആരംഭിക്കുന്ന കോടതികളില്‍ 33 ശതമാനം ജീവനക്കാര്‍ ഹാജരാകണം.