വണ്ടിപ്പെരിയാര്‍: പെരിയാര്‍ കരകവിഞ്ഞ് കൊട്ടാരക്കര ദിണ്ഡുക്കല്‍ ദേശീയ പാതയില്‍ വണ്ടിപ്പെരിയാര്‍, കക്കിക്കവല, നെല്ലിമലകവല, എന്നിവിടങ്ങളില്‍ വെള്ളം കയറി. ഇതേ തുടര്‍ന്ന് ഇന്നലെ ഗതാഗതം ഭാഗികമായി തടസപ്പെട്ടു. കെ.എസ്.ആര്‍.ടി.സി.യും ചുരുക്കം ചില സ്വകാര്യ ബസ്സുകളും മാത്രമാണ് സര്‍വ്വീസ് നടത്തിയത്.
ചെറുവാഹനങ്ങളെല്ലാം വളാര്‍ഡി ,ചെങ്കര, മ്ലാമല വഴി കടത്തിവിട്ടു. ഇതേ രീതിയില്‍ മഴ തുര്‍ന്നാല്‍ വെള്ളം ഇറങ്ങാന്‍ താമസം നേരിടും. മുല്ലയാര്‍ ചോറ്റുപാറ തോട് നിറഞ്ഞതുമൂലമാണ് ഇവിടെ വെള്ളം കയറുന്നത്. മുല്ലയാര്‍, ഭാഗത്തുള്ള സ്വകാര്യ വ്യക്തികളുടെ ഏലതോട്ടങ്ങളിലെ ചെക്ക് ഡാമുകള്‍ മുന്നറിയിപ്പില്ലാതെ തുറന്ന് വിടുന്നതും കാരണമാകുന്നു.