മനാമ: റമദാന് മുന്നൊരുക്കവുമായി ബന്ധപ്പെട്ട് ഫ്രൻറ്സ് സോഷ്യല്‍ അസോസിയേഷന്‍ ഏരിയതല ഓണ്‍ലൈന്‍ സംഗമങ്ങള്‍ സംഘടിപ്പിച്ചു. മനാമ, റിഫ, മുഹറഖ് എന്നീ ഏരിയകള്‍ വെവ്വേറെ സംഘടിപ്പിച്ച സംഗമങ്ങളിൽ ഫ്രൻറ്സ് പ്രസിഡൻറ് ജമാല്‍ ഇരിങ്ങല്‍ റമദാനില്‍ നേടിയെടുക്കേണ്ട ആത്മീയ ചൈതന്യത്തെ സംബന്ധിച്ച് അസോസിയേഷന്‍ അംഗങ്ങളെ ഉദ്ബോധിപ്പിച്ചു. ജനസേവന പ്രവര്‍ത്തനങ്ങളില്‍ ചടുലമായി മുന്നോട്ടു പോകുന്നതിനും റമദാെൻറ ആത്മീയത ചോര്‍ന്ന് പോകാതെ പരമാവധി ദൈവത്തിലേക്ക് അടുക്കുന്നതിനും വരും ദിനങ്ങള്‍ ഉപയോഗപ്പെടുത്തണമെന്ന് അദ്ദേഹം ഉണർത്തി. മനാമ ഏരിയ പ്രസിഡൻറ് ഫാറൂഖ്, റിഫ ഏരിയ പ്രസിഡൻറ് സമീര്‍ ഹസന്‍, മുഹറഖ് ഏരിയ പ്രസിഡൻറ് എ.എം ഷാനവാസ് എന്നിവര്‍ മൂന്ന് ഏരിയകളിലും യഥാക്രമം അധ്യക്ഷത വഹിച്ചു. കോവിഡ് 19 റിലീഫ് പ്രവര്‍ത്തനങ്ങളെക്കുറിച്ച് കോര്‍ഡിനേറ്റര്‍ എം. ബദ്റുദ്ദീന്‍ വിശദീകരിച്ചു. ജനറൽ സെക്രട്ടറി എം. എം സുബൈർ, വൈസ് പ്രസിഡൻറ് സഇൗദ് റമദാൻ നദ്വി, എക്സിക്യൂട്ടീവ് അംഗങ്ങളായ പി.പി ജാസിർ, എ. അഹ്മദ് റഫീഖ്, ഇർഷാദ് കുഞ്ഞിക്കനി, കെ.കെ മുനീർ എന്നിവർ സംസാരിച്ചു. ബഹ്റൈനിലെ വിവിധ പ്രദേശങ്ങളിലുള്ള പ്രയാസമനുഭവിക്കുന്ന പ്രവാസികള്‍ക്ക് ആവശ്യമായ സഹായങ്ങള്‍ നല്‍കുന്നതിന് കൂടുതല്‍ സുസജ്ജമായ പ്രവര്‍ത്തനങ്ങളുമായി മുന്നോട്ടു പോകുന്നതിനും ഏരിയ തല സംഗമങ്ങളില്‍ തീരുമാനമെടുത്തു.