കൊല്ലം: സ്പ്രിംഗ്ലര്‍ ഇടപാടിലെ നിജസ്ഥിതി പുറത്തുകൊണ്ടുവരാന്‍ ഇതുസംബന്ധിച്ച എല്ലാ ഫയലുകളും വരുത്തിച്ച് ഗവര്‍ണര്‍ പരിശോധന നടത്തണമെന്ന് ആര്‍.എസ്.പി കേന്ദ്ര സെക്രട്ടേറിയറ്റംഗം എന്‍.കെ പ്രേമചന്ദ്രന്‍ എം.പി. ഇക്കാര്യം ചൂണ്ടിക്കാട്ടി ഗവര്‍ണര്‍ക്കു കത്തയച്ചതായി അദ്ദേഹം വാര്‍ത്താസമ്മേളനത്തില്‍ പറഞ്ഞു. 

സംസ്ഥാനത്തെ ബാധിക്കുന്ന എല്ലാ വിഷയങ്ങളും പരിശോധിക്കാന്‍ ഗവര്‍ണര്‍ക്ക് അധികാരമുണ്ട്. കേന്ദ്രത്തില്‍ രാഷ്ട്രപതിക്കും സംസ്ഥാനങ്ങളില്‍ ഗവര്‍ണര്‍മാര്‍ക്കും ഭരണഘടനയിലെ 299ാം വകുപ്പു പ്രകാരം പൗരന്റെ മൗലികാവകാശം ലംഘിക്കുന്നതും സ്വകാര്യതയെ ബാധിക്കുന്നതുമായ വിഷയങ്ങളില്‍ ഫയല്‍ വരുത്തിക്കാന്‍ അധികാരമുണ്ടെന്നും അദ്ദേഹം പറഞ്ഞു.