വാഷിങ്ടണ്‍: അമേരിക്കയില്‍ കൊവിഡ് ബാധിതരുടെ എണ്ണം എട്ടു ലക്ഷം പിന്നിട്ടു. 8,20,600 പേര്‍ക്കാണ് അമേരിക്കയില്‍ മാത്രം രോഗം സ്ഥിരീകരിച്ചത്. മരണസംഖ്യ 45,967 ആയി ഉയര്‍ന്നിട്ടുണ്ട്. എന്നാല്‍, 83,203പേരാണ് അമേരിക്കയില്‍ രോഗമുക്തി നേടിയിരിക്കുന്നത്. ഇതു മറ്റു രാജ്യങ്ങളെ അപേക്ഷിച്ച് നോക്കുമ്പോള്‍ വളരെ കുറവാണ്.

അമേരിക്കയെ കൂടാതെ സ്‌പെയിനിലാണ് രോഗികളുടെ എണ്ണം രണ്ടു ലക്ഷം പിന്നിട്ടിരിക്കുന്നത്. 2,08,389 പേര്‍ക്കു രോഗം സ്ഥിരീകരിച്ച ഇവിടെ 21,717 പേരാണ് മരിച്ചത്. ഇറ്റലി, ഫ്രാന്‍സ്, ജര്‍മനി, ബ്രിട്ടന്‍ എന്നിവിടങ്ങളിലാണ് രോഗികളുടെ എണ്ണം ഒരു ലക്ഷം പിന്നിട്ടിരിക്കുന്നത്. ഇതില്‍ കൂടുതല്‍ പേര്‍ മരിച്ചിരിക്കുന്നത് ഇറ്റലിയിലാണ്. 

ഇറ്റലിയില്‍ 24,648 പേര്‍ മരിച്ചപ്പോള്‍ ഫ്രാന്‍സില്‍ 20,796, ബ്രിട്ടനില്‍ 18,100 എന്നിങ്ങനെയാണ് മരണസംഖ്യ. കൊവിഡ് ബാധിച്ച് ലോകത്താകെ മരിച്ചിരിക്കുന്നത് 1.81 ലക്ഷം പേരാണ്. 25.92 ലക്ഷം പേര്‍ക്കു രോഗം സ്ഥിരീകരിച്ചപ്പോള്‍ 7.10 ലക്ഷം പേര്‍ രോഗവിമുക്തരായി.

ജര്‍മനിയില്‍ 5,127, തുര്‍ക്കിയില്‍ 2,259, ഇറാനില്‍ 5,391, ചൈനയില്‍ 4,632, റഷ്യയില്‍ 513, ബ്രസീലില്‍ 2,769, ബെല്‍ജിയത്തില്‍ 6,262, കാനഡയില്‍ 1,871, നെതര്‍ലാന്‍ഡ്‌സില്‍ 4,054, സ്വിറ്റ്‌സര്‍ലാന്‍ഡില്‍ 1,478, സ്വീഡനില്‍ 1,937, ഇസ്‌റാഈലില്‍ 187, പാകിസ്താനില്‍ 212 എന്നിങ്ങനെയാണ് മറ്റു രാജ്യങ്ങളിലെ മരണം. ഇവയല്ലാത്ത രാജ്യങ്ങളിലും മരണസംഖ്യയും രോഗം സ്ഥിരീകരിച്ചവരുടെ എണ്ണവും വര്‍ധിക്കുകയാണ്.