റിയാദ് : റിയാദ് കെ എം സി സി സൈബർവിംഗ് ഓൺലൈൻ ക്വിസ് സീസൺ 6 സമാപിച്ചു. ലോക്ക് ഡൗൺ കാലത്ത് 25 ദിവസം തുടർച്ചയായി സംഘടിപ്പിച്ച ക്വിസ് മത്സരത്തിൽ ലീഗ് റൗണ്ട്, ജി കെ റൗണ്ട് എന്ന രീതിയിൽ ദിവസേന രണ്ടു സെറ്റ് ചോദ്യങ്ങളായിരുന്നു നൽകിയത്.  ജസീല മൂസ ഒന്നാം സ്ഥാനവും ഉസ്മാൻ ടി എ രണ്ടാം സ്ഥാനവും ഫയാസ് ഹബീബ് മൂന്നാം സ്ഥാനവും കരസ്ഥമാക്കി.

റഹ്മത്ത് അഷ്‌റഫ്, ജാബിർ വാഴമ്പുറം,  ജാഫർ സാദിഖ്,  ഷഫീഖ് കൂടാളി, സുഹൈൽ കൊടുവള്ളി, സഫീർ തിരൂർ എന്നിവർ അടങ്ങിയ അഡ്മിൻ പാനൽ ആണ് മത്സരം നിയന്ത്രിച്ചത്.  ഓൺലൈൻ ക്വിസിന്റെ ഏഴാം സീസൺ റമദാൻ 1 നു ആരംഭിക്കും.