കൊച്ചി: മുന്‍ വിജിലന്‍സ് ഡയറക്ടര്‍ ജേക്കബ് തോമസിനെതിരേ രൂക്ഷ വിമര്‍ശനവുമായി മുന്‍മന്ത്രി ഇ.പി. ജയരാജന്‍. ബന്ധുനിയമനം എന്ന് പറയണമെങ്കില്‍ രക്തബന്ധമുണ്ടാകണം. താന്‍ ബന്ധു നിയമനം നടത്തിയിട്ടില്ല. എന്ത് അടിസ്ഥാനത്തിലാണ് ജേക്കബ് തോമസ് റിപ്പോര്‍ട്ട് നല്‍കിയതെന്ന് അറിയില്ലെന്ന് അദ്ദേഹം പറഞ്ഞു.

ജേക്കബ് തോമസ് എന്താണ് ചെയ്യുന്നത് എന്ന് അദ്ദേഹത്തിന് തന്നെ അറിയില്ല. കോടതിവിധി വന്നശേഷം ഇക്കാര്യത്തില്‍ കൂടുതല്‍ പ്രതികരിക്കാമെന്നും ജയരാജന്‍ വ്യക്തമാക്കി

ഹൈക്കോടതിയുടെ രൂക്ഷ വിമര്‍ശനങ്ങള്‍ക്ക് പിന്നാലെ മാര്‍ച്ച് 31 നാണ് ജേക്കബ് തോമസ് അവധില്‍ പ്രവേശിച്ചത്. മന്ത്രിയായിരിക്കെ സ്വന്തക്കാര്‍ക്ക് നിയമനം നല്‍കിയ നടപടി വിവാദമായിരുന്നു. തുടര്‍ന്ന് സി.പി.എം സെക്രട്ടറിയേറ്റിന്റെ തീരുമാനപ്രകാരം ജയരാജന്‍ രാജി വെക്കുകയായിരുന്നു.