മനാമ: ബഹ്‌റൈനിലെ വിശ്വാസികള്‍ക്ക് ആത്മീയാനുഭൂതി പകര്‍ന്ന് ശൈഖുനാ മാണിയൂര്‍ ഉസ്താദ് ബഹ്‌റൈനിലെത്തി.
ഉത്തര കേരളത്തിലെ പ്രമുഖ പണ്ഢിതനും സൂഫി വര്യനും സമസ്ത കേന്ദ്ര മുശാവറ അംഗവുമായ ശൈഖുനാ മാണിയൂര്‍ അഹ്മദ് മുസ്‌ലിയാര്‍ തിങ്കളാഴ്ച ഉച്ചയ്ക്കാണ് ബഹ്‌റൈനിലെത്തിയത്. കണ്ണൂര്‍ ജാമിഅ അസ്അദിയ്യ പ്രൊഫസറും വാഗ്മിയുമായ അബ്ദുല്‍ ഫത്താഹ് ദാരിമിയും ഉസ്താദിനോപ്പം ബഹ്‌റൈനിലെത്തിയിട്ടുണ്ട്.

സമസ്ത ബഹ്‌റൈന്‍ ഗുദൈബിയ കമ്മിറ്റി സംഘടിപ്പിക്കുന്ന ത്രിദിന മത പ്രഭാഷണ പരമ്പരയോടനുബന്ധിച്ച് ബഹ്‌റൈനിലെ കേരളീയ സമാജം ഹാളില്‍ നടക്കുന്ന ആത്മീയ സംഗമത്തില്‍ ദിക്‌റ്-ദുആ മജ്‌ലിസിന് നേതൃത്വം നല്‍കാനാണ് ഉസ്താദ് എത്തിയത്.

തിങ്കളാഴ്ച ഉച്ചയോടെ ബഹ്‌റൈന്‍ ഇന്റനാഷണല്‍ എയര്‍പോര്‍ട്ടിലെത്തിയ ഉസ്താദിനും സംഘത്തിനും സമസ്ത ബഹ്‌റൈന്‍ കേന്ദ്ര-ഏരിയാ നേതാക്കളുടെ നേതൃത്വത്തില്‍ വിപുലമായ സ്വീകരണമാണ് നല്‍കിയത്.