മുഹമ്മ: ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന ജില്ലാതല  ഇസ്്‌ലാമിക് ് കലാമേളയ്ക്ക് ഇന്ന് മണ്ണഞ്ചേരി ചിയാംവെളി ഇര്‍ഷാദുല്‍ ഇസ്‌ലാം മദ്‌റസ കാംപസില്‍ തുടക്കമാകും. നാല് വേദികളിലായി നടക്കുന്ന കലാമേളയില്‍ ജില്ലയിലെ 137 മദ്‌റസകളില്‍ നിന്ന് തെരഞ്ഞെടുക്കപ്പെട്ട വിദ്യാര്‍ഥികളും മുഅല്ലിമീംകളും പങ്കെടുക്കും. ഇന്ന് വൈകിട്ട് 4.30ന് വള്ളക്കടവില്‍ നിന്ന് വിളംബര ജാഥ ആരംഭിക്കും.  തുടര്‍ന്ന് നടക്കുന്ന സമ്മേളനം എസ്.കെ.എസ് എസ്.എഫ് ജില്ലാ പ്രസിഡന്റ്  അബ്ദുള്ള തങ്ങള്‍ ദാരിമി ഉദ്ഘാടനം ചെയ്യും.
 വര്‍ക്കിങ് ചെയര്‍മാന്‍ യു മുഹമ്മദ് ഹനീഫ ബാഖവി അധ്യക്ഷനാകും. സക്കീര്‍ ഹുസൈന്‍ അല്‍ അസ്ഹരി ആമുഖപ്രഭാഷണവും സമസ്ത ജില്ലാ ജനറല്‍ സെക്രട്ടറി എം.എ അബ്ദുള്‍ റഹ് മാന്‍ അല്‍ ഖാസിമി മണ്ണഞ്ചേരി റെയ്ഞ്ച് സുവര്‍ണ്ണ ജൂബിലി പ്രഖ്യാപനവും നടത്തും. എ ഇബ്രാഹീം കുട്ടി മൗലവി ദുആയ്ക്ക് നേതൃത്വം നല്‍കും. നാളെ രാവിലെ എട്ടിന് ജില്ലാ പ്രസിഡന്റ് പി.എ ശിഹാബുദ്ദീന്‍ മുസ്‌ലിയാര്‍ പതാക ഉയര്‍ത്തുന്നതോടെ കലാ മത്സരങ്ങള്‍ക്ക് തുടക്കമാകും.
വൈകിട്ട് 4.30ന് നടക്കുന്ന മെറിറ്റ് ഈവനിംഗ് സമസ്ത ജില്ലാ സെക്രട്ടറി സി മുഹമ്മദ് അല്‍ ഖാസിമി ഉദ്ഘാടനം ചെയ്യും. ആലപ്പുഴ ഡി.വൈ.എസ്.പി.എം ഇ ഷാജഹാന്‍ സമ്മാനദാനം നിര്‍വഹിക്കും.  വാര്‍ത്താ സമ്മേളനത്തില്‍ സ്വാഗത സംഘം ജനറല്‍ കണ്‍വീനര്‍ ടി.എച്ച് ജഅ്ഫര്‍ മൗലവി, എം മുജീബ് റഹ്മാന്‍, ടി.എ അലിക്കുഞ്ഞാശാന്‍ എന്നിവര്‍ പങ്കെടുത്തു.