പഴയങ്ങാടി: കെ.എസ്.ടി.പി റോഡില്‍ വീണ്ടും അപകടം. രാമപുരം ഇറക്കത്തിലാണ് കാര്‍ അപകടത്തില്‍പ്പെട്ടത്. ഇന്നലെ വൈകുന്നേരം നാലു മണിയോടെയാണ് പിലാത്തറയില്‍ നിന്നും പഴയങ്ങാടി ഭാഗത്തേക്ക് വരുകയായിരുന്ന കാര്‍ തലകീഴായ് മറഞ്ഞത്. അപകടത്തില്‍ ചീമേനി സ്വദേശികളായ ദാമോദരന്‍, സുനീഷ് എന്നിവരെ നിസാര പരുക്കുകളോടെ പരിയാരം മെഡിക്കല്‍ കോളജില്‍ പ്രവേശിപ്പിച്ചു.  കെ.എസ്.ടി.പി റോഡിന്റെ അശാസ്ത്രീയ നിര്‍മാണമാണ് തുടര്‍ച്ചയായ അപകടങ്ങള്‍ക്കു കാരണമെന്ന് നാട്ടുകാര്‍ ആരോപിച്ചു. ഈ പ്രദേശത്ത് നാലാംതവണയാണ് കാര്‍ അപകടത്തില്‍പ്പെടുന്നത്. റോഡ് നിര്‍മാണത്തിലെ അശാസ്ത്രീയ അന്വേഷിക്കണമെന്നാവശ്യപ്പെട്ട് പ്രക്ഷോഭത്തിനിറങ്ങാനുള്ള ഒരുക്കത്തിലാണ് യുവജന സംഘടനകള്‍. കഴിഞ്ഞ ദിവസം എരിപുരം ഇറക്കത്തിലുണ്ടായ അപകടത്തില്‍ ഒരാള്‍ മരിച്ചിരുന്നു.