ഇരവിപുരം: പാവപ്പെട്ടവരെ കണ്ടെത്തി സഹായിക്കുന്ന കാര്യത്തില്‍ റസിഡന്‍സ് അസോസിയേഷനുകള്‍ വഹിക്കുന്ന പങ്ക് വലുതാണെന്ന് എം.നൗഷാദ് എം.എല്‍.എ പറഞ്ഞു. ഇരവിപുരം കാവല്‍പ്പുര ഉദയ താരാനഗര്‍ റസിഡന്‍സ് അസോസിയേഷന്‍ സംഘടിപ്പിച്ച വാര്‍ഷിക കൂട്ടായ്മയുടെയും റമദാന്‍ കിറ്റ് വിതരണത്തിന്റെയും ഭാഗമായി സംഘടിപ്പിച്ച സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
കിറ്റ് വിതരണം എം. നൗഷാദ് എം.എല്‍.എയും വാര്‍ഷിക കൂട്ടായ്മ കൊല്ലൂര്‍വിള നഗര്‍ റസിഡന്‍സ് അസോസിയേഷന്‍ സെക്രട്ടറി എസ്. നൗഷാദും ഉദ്ഘാടനം ചെയ്തു. ഉദയ താരാ നഗര്‍ പ്രസിഡന്റ് എസ്. വിജയന്‍ അധ്യക്ഷനായി.
കോര്‍പറേഷന്‍ കൗണ്‍സിലര്‍ എം. സലിം വസ്ത്രവിതരണം നടത്തി. ഹാഷിം രാജാ, കൊല്ലൂര്‍വിള സുനില്‍ ഷാ, സി. പത്മകുമാര്‍, നെജിമുദ്ദീന്‍ മുള്ളുവിള, എല്‍ തുളസീധരന്‍, എം.ഷെരീഫ് കുട്ടി, ബ്രൈറ്റ് സെയ്ഫുദീന്‍, യു.എ സലാം, നജ്മാ ബീഗം, സുനിതാ പ്രസാദ്, ലൈല, ഷംല, ഷമീറ, കരീം, അലി ഫസില്‍, നിസാമുദ്ദീന്‍, സജീവ് സംസാരിച്ചു.