കോഴിക്കോട് : കാലിക്കറ്റ് പ്രസ്സ്‌ക്ലബിന്റെ 2015ലെ തെരുവത്ത് രാമന്‍ അവാര്‍ഡിന് മാധ്യമം ദിനപത്രം അസോസിയേറ്റ് എഡിറ്റര്‍ കെ. യാസീന്‍ അഷ്‌റഫ് അര്‍ഹനായി. മികച്ച മുഖപ്രസംഗത്തിന് ഏര്‍പ്പെടുത്തിയതാണ് അവാര്‍ഡ്.
മൂന്നാര്‍ സമരത്തിന്റെ പശ്ചാത്തലത്തിലുളളതാണു മുഖപ്രസംഗം. എന്‍.പി.രാജേന്ദ്രന്‍, മുതിര്‍ന്ന പത്രപ്രവര്‍ത്തകരായ പി.ജെ.മാത്യു, കോയ മുഹമ്മദ് എന്നിവരടങ്ങിയ ജഡ്ജിങ് കമ്മിറ്റിയാണ് ജേതാവിനെ നിര്‍ണയിച്ചത്.
പ്രദീപം പത്രാധിപരായിരുന്ന തെരുവത്ത് രാമന്റെ സ്മരണാര്‍ഥം കുടുംബം ഏര്‍പ്പെടുത്തിയതാണ് 10,000 രൂപയും പ്രശസ്തിപത്രവും ഉള്‍പ്പെടുന്ന അവാര്‍ഡ്. ജൂലൈ രണ്ടാം വാരം അവാര്‍ഡ് സമ്മാനിക്കും.