കൂററനാട്: മദീനാ പാഷന്‍ ജില്ലാ സമ്മേളന പ്രചരണാര്‍ത്ഥം എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ശിഹാബുദ്ധീന്‍ ജിഫ്രി തങ്ങള്‍ നയിക്കുന്ന ജില്ലാ സന്ദേശ പ്രചരണ ജാഥക്ക് ചാലിശ്ശേരി മേഖല കമ്മറ്റി ചാലിശ്ശേരി മെയിന്‍ റോഡില്‍ സ്വികരണം നല്‍കി. എസ്.ബി വി.വി ദ്യാത്ഥികളുടെ സൈക്കിള്‍ റാലി സ്വികരണത്തിന് മാറ്റുകൂട്ടി. ജാഥാസ്ഥിരാഗം കബീര്‍ അന്‍വരി നാട്ടുക്കല്‍ മദീനാ പാഷന്‍ സന്ദേശ പ്രഭാഷണം നടത്തി.

ജാഥാ ക്യാപ്റ്റനെ വ്യത്യസ്ഥ ക്ലസ്റ്റര്‍ കമ്മറ്റികള്‍ക്കു വേണ്ടി ഫൈസല്‍ വാഫി കൂറ്റനാട്, ഷഫീഖ് തിരുമിറ്റക്കോട് എന്നിവര്‍ ഹാരാര്‍പ്പണം നടത്തി.മത സൗഹാര്‍ദ്ധവും പരസ്പര സ്‌നേഹവും ഊട്ടിയുറപ്പിക്കാന്‍ മദീനാ പാഷന്‍ സമ്മേളനം കാരണമാവട്ടെയെന്ന് നന്ദി പ്രസംഗത്തില്‍ ജാഥാ ക്യാപ്റ്റന്‍ സയ്യിദ് ശിഹാബുദ്ധീന്‍ ജിഫ്രി തങ്ങള്‍ പറഞ്ഞു.
സയ്യിദ് ഉമറുല്‍ ഫാറൂഖ് തങ്ങള്‍, മൂസ ഫൈസി ചെരിപ്പൂര്‍, നൗഷാദ് ഫൈസി, യഹ് യ ഫൈസി, മുഹമ്മദലി ഫൈസി, അബ്ദുല്‍ അസീസ്, ഫഹദ് എന്നിവര്‍ സ്വികരണത്തിന് നേതൃത്വം നല്‍കി.