കട്ടപ്പന: ഇടുക്കിയെ പ്രളയബാധിത ജില്ലയായി പ്രഖ്യാപിക്കണമെന്ന് കര്‍ഷകസംഘം ജില്ലാ പ്രസിഡന്റ് സി.വി. വര്‍ഗീസ്, സെക്രട്ടറി എം. വി. ബേബി എന്നിവര്‍ ആവശ്യപ്പെട്ടു.
കാലവര്‍ഷക്കെടുതിയില്‍ വ്യാപകമായ കൃഷിനാശമുണ്ടായ സാഹചര്യത്തില്‍ കര്‍ഷകര്‍ക്ക് നഷ്ടപരിഹാരം നല്‍കുന്നതിനും ആശ്വാസ നടപടികള്‍ സ്വീകരിക്കുന്നതിനും സര്‍ക്കാര്‍ അടിയന്തര നടപടികള്‍ സ്വീകരിക്കണം. കൃഷിയുടെ നഷ്ടം തിട്ടപ്പെടുത്താന്‍ കൃഷിവകുപ്പ് ഉദ്യോഗസ്ഥര്‍ക്ക് അടിയന്തര നിര്‍ദേശം നല്‍കണം. പ്രളയബാധിത ജില്ലയായി പ്രഖ്യാപിച്ച് സത്വര നടപടികള്‍ സ്വീകരിക്കണമെന്ന് മുഖ്യമന്ത്രി പിണറായി വിജയനും റവന്യുമന്ത്രി ഇ. ചന്ദ്രശേഖരനും അയച്ച കത്തില്‍ കര്‍ഷകസംഘം നേതാക്കള്‍ ആവശ്യപ്പെട്ടു.