കല്‍പ്പറ്റ: ആര്‍.എം.എസ്.എയുടെ നേതൃത്വത്തില്‍ വിദ്യാലയ നേതൃത്വ വികസന പദ്ധതിയില്‍ ഉള്‍പ്പെടുത്തി ജില്ലയിലെ ഹൈസ്‌കൂള്‍ പ്രധാനാധ്യാപകര്‍ക്കായി സെമിനാര്‍ നടത്തി.
 പൊതുവിദ്യാലയത്തെ മികവിന്റെ കേന്ദ്രമാക്കി മാറ്റുന്നതിന് പ്രയോജനപ്രദമായ  മികച്ച പ്രൊജക്ടുകള്‍ സെമിനാറില്‍ അവതരിപ്പിച്ചു.
ആര്‍.എം.എസ്.എ സംസ്ഥാന തലത്തില്‍ നടത്തുന്ന സെമിനാര്‍ മത്സരത്തിലേക്ക് ജില്ലയില്‍ നിന്നും മൂലങ്കാവ് ഗവ.ഹയര്‍ സെക്കന്‍ഡറി സ്‌കൂള്‍, ഓടപ്പള്ളം ഗവ.ഹൈസ്‌കൂള്‍ എന്നിവരെ തെരെഞ്ഞെടുത്തു. വിദ്യാഭ്യാസ ഉപഡയറക്ടര്‍ പി.പി തങ്കം അധ്യക്ഷയായി. മീനങ്ങാടി ഗവ.എല്‍ പി സ്‌കൂളില്‍ നടന്ന സെമിനാറില്‍ വിവിധ വിദ്യാലയങ്ങളില്‍ നിന്നുള്ള പ്രൊജക്ടുകള്‍ പ്രധാനാധ്യാപകര്‍ അവതരിപ്പിച്ചു. ആര്‍.എം.എസ്.എ അസിസ്റ്റന്റ് പ്രൊജക്ട് ഓഫിസര്‍ പി ശിവപ്രസാദ്, കെ നൗഫല്‍, വി മുനീര്‍ സംസാരിച്ചു.