മേപ്പയ്യൂര്‍: പതിറ്റാണ്ടുകളായി തരിശായി കിടന്ന മേപ്പയ്യൂര്‍ പഞ്ചായത്തിലെ ചാവട്ട് വയലിലെ ഇത്തവണ നടത്തിയ പുഞ്ചകൃഷി വന്‍വിജയമായി. കൊഴുക്കല്ലൂര്‍ അഗ്രികള്‍ച്ചര്‍ വെല്‍ഫെയര്‍ കോഓപറേറ്റീവ് സൊസൈറ്റിയുടെ നേതൃത്വത്തിലാണ് കൃഷിയിറക്കിയത്. കൃഷിയോഗ്യമല്ലാതെ കിടന്ന വയല്‍ കൃഷി നടത്താനായി ഭൂവുടമകള്‍ സൗജന്യമായി സൊസൈറ്റിയെ ഏല്‍പിക്കുകയായിരുന്നു. തൊഴിലുറപ്പ് തൊഴിലാളികളും പ്രദേശത്തെ കര്‍ഷക തൊഴിലാളികളും ചേര്‍ന്ന് നിലമൊരുക്കി. കര്‍ഷകരും ഗ്രാമവാസികളും ഒന്നായി ചേര്‍ന്ന് ഡിസംബര്‍ 14 ന് വിത്തിറക്കിയത് ഉത്സവാന്തരീക്ഷത്തിലായിരുന്നു.
പുഞ്ചനെല്ല് കൊയ്‌തെടുക്കാനായി കര്‍ഷകര്‍ ഇന്നു പാടത്തേക്കിറങ്ങും.
ജില്ല പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്യും. സംസ്ഥാന യുവജന കമ്മീഷന്‍ മെംബര്‍ രാമചന്ദ്രന്‍ കുയ്യണ്ടി പങ്കെടുക്കും.