മലപ്പുറം: മജ്‌ലിസുന്നൂര്‍ ആത്മീയ സദസിന്റെ സ്ഥാപക ദിനമായ നാളെ മലപ്പുറത്തു മജ്‌ലിസുന്നൂര്‍ സംഗമം നടക്കും. സുബ്ഹി നിസ്‌കാരാനന്തരം മലപ്പുറം സുന്നി മഹലില്‍ നടക്കുന്ന ആത്മീയ സദസിന് പാണക്കാട് സയ്യിദ് അബ്ബാസലി ശിഹാബ് തങ്ങള്‍, എം.ടി അബ്ദുല്ല മുസ്‌ലിയാര്‍, കെ. ഹൈദര്‍ ഫൈസി പനങ്ങാങ്ങര തുടങ്ങി സാദാത്തുക്കള്‍, പണ്ഡിതന്മാര്‍ നേതൃത്വം നല്‍കും.
എസ്.വൈ.എസ് ജില്ലാ പ്രവര്‍ത്തക സമിതി, മണ്ഡലം-പഞ്ചായത്ത് ഭാരവാഹികള്‍, പഞ്ചായത്ത് അമീറുമാര്‍, യൂനിറ്റ് പ്രസിഡന്റ്, സെക്രട്ടറിമാര്‍ സംബന്ധിക്കും. സദസിലേക്കെത്തുന്നവര്‍ സുബ്ഹി ജമാഅത്തിനു മലപ്പുറത്തെത്തണം.