ന്യൂഡല്‍ഹി: പുല്‍വാമ ഭീകരാക്രമണത്തിന് ഉപയോഗിച്ച മാരുതി ഇകോയുടെ ഉടമയെ തിരിച്ചറിഞ്ഞെന്ന് എന്‍.ഐ.എ. അനന്ത്‌നാഗിലെ ബിജ്‌ബേര സ്‌ദേശി മഖ്ബൂല്‍ ഭട്ടിന്റെ മകന്‍ സജ്ജാദ് ഭട്ട് ആണ് കാറിന്റെ ഉടമ. ആക്രമണത്തിന് പത്തു ദിവസം മുമ്പ് ഫെബ്രുവരി നാലിനാണ് സജ്ജാദ് കാര്‍ വാങ്ങിയതെന്നും എന്‍.ഐ.എ പറയുന്നു.

ഇയാള്‍ ഒളിവിലാണെന്നും ഇപ്പോള്‍ ജയ്‌ഷെ മുഹമ്മദ് അംഗമാണെന്നും എന്‍.ഐ.എ പറയുന്നു. ഷോപിയാനിലെ സിറാജുല്‍ ഉലൂം സ്ഥാപനത്തിലെ വിദ്യാര്‍ത്ഥിയാണ് സജ്ജാദ്. സജ്ജാദ് ആയുധങ്ങളേന്തി നില്‍ക്കുന്നതിന്റെ ചിത്രം സോഷ്യല്‍മീഡിയയിലൂടെ പുറത്തു വന്നിട്ടുണ്ട്.

ഫെബ്രുവരി 23ന് എന്‍.ഐ.ഐ സജ്ജാദിന്റെ വീട്ടില്‍ റെയ്ഡ് നടത്തിയിരുന്നു.

2011ല്‍ അഹ്മദ് ഹഖാനി എന്നായാള്‍ക്ക് വിറ്റ വാഹനം സജ്ജാദിന്റെ പക്കല്‍ എത്തുന്നതിന് മുമ്പ് ഏഴുതവണ കൈമാറ്റം ചെയ്യപ്പെട്ടുവെന്നും എന്‍.ഐ. പറയുന്നു.