ഇരിങ്ങാലക്കുട: നഗരത്തിലെ മാലിന്യങ്ങള്‍ സംസ്‌കരിക്കുന്ന ട്രഞ്ചിങ് ഗ്രൗണ്ടില്‍ തീപിടിത്തം.
ഇന്നലെ ഉച്ചതിരിഞ്ഞ് 4.30 തോടെയാണ് തീപിടിത്തം ഉണ്ടായത്. മാലിന്യങ്ങള്‍ വേര്‍തിരിക്കുന്ന ജീവനക്കാര്‍ ജോലി കഴിഞ്ഞ് പോയതിന് ശേഷമാണ് തീപിടിത്തമുണ്ടായത്.
ജീവനക്കാര്‍ വേര്‍തിരിച്ച് വച്ച പ്ലാസ്റ്റിക്ക് മാലിന്യങ്ങള്‍ക്കാണ് തീപിടിച്ചത്. മാലിന്യങ്ങള്‍ക്ക് തീ വച്ചതാണെന്ന് സംശയിക്കുന്നതായി തീ അണയ്ക്കാന്‍ എത്തിയ ഫയര്‍ഫോഴ്‌സ് ഉദ്യോഗസ്ഥര്‍ പറഞ്ഞു.
വേനല്‍ കനത്തതോടെ തീപിടിത്തങ്ങള്‍ വര്‍ദ്ധിക്കുന്നതായും ജനങ്ങള്‍ തീ ഉപയോഗിക്കുന്നതില്‍ ജാഗ്രത പാലിക്കണമെന്നും ഉദ്യോഗസ്ഥര്‍ അറിയിച്ചു.
സ്റ്റേഷന്‍ ഓഫിസര്‍ പി. വെങ്കിട്ടരാമന്റെ നേതൃത്വത്തില്‍ ഉള്ള ഫയര്‍ഫോഴ്‌സ് സംഘത്തില്‍ ജോജി വര്‍ഗീസ്, മനോജ് , സുഭാഷ്, സിനോജ്, ഉണ്ണികൃഷ്ണന്‍, ബിനോദ് എന്നിവരാണ് ഉണ്ടായിരുന്നത്.