സെന്റ് പീറ്റേഴ്‌സ്ബര്‍ഗ്: കളിക്കുന്നവനല്ല ഗോളടിക്കുന്നവനാണ് മത്സരത്തില്‍ വിജയി. എന്നാല്‍, ഇറാനും മൊറോക്കൊയും മത്സരം ആ വാക്കും തെറ്റിച്ചു. മത്സരത്തില്‍ ആദ്യം മുതല്‍ അവസാനം വരെ നിറഞ്ഞുനിന്നത് മൊറോക്കയായിരുന്നു. മത്സരം സമനിലയില്‍ അവസാനിക്കുമെന്ന് തോന്നിയ നിമിഷം ഇന്‍ജുറി ടൈമില്‍ വഴങ്ങിയ സെല്‍ഫ് ഗോള്‍ ഇറാന് ആദ്യ വിജയം നല്‍കി.

ഇന്‍ജുറി ടൈമില്‍ കിട്ടിയ ഫ്രീകിക്കാണ് മൊറോക്കന്‍ പിഴവിലേക്ക് വഴി തുറന്നത്. ഇറാന് അനുകൂലമായി ലഭിച്ച ഫ്രീകിക്കെടുത്ത എഹ്‌സാന്‍ ഹാജി സഫി മൊറോക്കന്‍ ബോക്‌സിലേക്ക് ഉയര്‍ത്തിവിട്ട പന്ത് തല കൊണ്ട് പുറത്താക്കാനുള്ള ബുഹാദോസിന്റെ ശ്രമം സെല്‍ഫ് ഗോളില്‍ കലാശിക്കുകയായിരുന്നു.