കോഴിക്കോട്: മാര്‍ച്ച് 2,3,4 തിയതികളിലായി കണ്ണൂരിലെ രാമന്തളിയില്‍ നടക്കുന്ന നാഷനല്‍ കാംപസ് കോളിന്റെ പ്രചാരണാര്‍ഥം എസ്.കെ.എസ്.എസ്.എഫ് ലോ വിങ്ങിന്റെ നേതൃത്വത്തില്‍ 'ലെക്‌സ് ടെറ' എന്ന പേരില്‍ ലോ സമ്മിറ്റും അലുംനിമീറ്റും സംഘടിപ്പിച്ചു. കേരളത്തിലെ വിവിധ നിയമ കലാലയങ്ങളില്‍ പഠനം നടത്തുന്ന വിദ്യാര്‍ഥികളുടെ കൂട്ടായ്മയാണ് ലോ വിങ്.

എസ്.കെ.എസ്.എസ്.എഫ് ജനറല്‍ സെക്രട്ടറി സത്താര്‍ പന്തലൂര്‍ സംഗമം ഉദ്ഘാടനം ചെയ്തു. നിയമ വിദ്യാര്‍ഥികള്‍ക്ക് ദിശാബോധം നല്‍കാനുള്ള വിപുലമായ പദ്ധതികള്‍ ആവിഷ്‌കരിക്കണമെന്ന് അദ്ദേഹം അഭിപ്രായപ്പെട്ടു. 'മതാവകാശങ്ങളും കോടതി വിധികളിലെ പ്രവണതയും' എന്ന വിഷയത്തില്‍ അഡ്വ. ഷാഫി വിദ്യാര്‍ഥികളുമായി സംവദിച്ചു. 'കോടതികളുടെ ഇടപെടലുകളും വ്യാഖ്യാനങ്ങളും: മുസ്‌ലിം വ്യക്തി നിയമത്തിന്റെ അതിജീവനവും' എന്ന വിഷയത്തില്‍ അഡ്വ. ഷഹ്‌സാദ് ഹുദവി സംസാരിച്ചു.സ്വാദിഖലി വാഫി അധ്യക്ഷനായി. റഊഫ് ഒ.പി സ്വാഗതവും മുഹന്നദ് കോഡൂര്‍ നന്ദിയും പറഞ്ഞു.