വളാഞ്ചേരി: സമസ്ത കേരള ജംഇയ്യത്തുല്‍ മുഅല്ലിമീന്‍ മലപ്പുറം വെസ്റ്റ് ജില്ലാ ഇസ്‌ലാമിക കലാമേള നാളെയും മറ്റന്നാളുമായി മൂന്നാക്കല്‍ എ.ഐ നഗര്‍ അഞ്ചുമുല്‍ ഇസ്‌ലാം മദ്‌റസയില്‍ നടക്കും. രാവിലെ ടി സുബൈര്‍ മുസ്‌ലിയാര്‍ പതാക ഉയര്‍ത്തും. തുടര്‍ന്ന് മുഅല്ലിം ഫെസ്റ്റ് നടക്കും.
വൈകീട്ട് 4.30ന് സി.കെ.എം സാദിഖ് മുസ്‌ലിയാര്‍ ഉദ്ഘാടനം ചെയ്യും. ടി മൊയ്തീന്‍കുട്ടി മുസ്‌ലിയാര്‍ പുറങ്ങ് അധ്യക്ഷനാകും. മുനീര്‍ ഹുദവി മുഖ്യപ്രഭാഷണം നടത്തും. കാടാമ്പുഴ മൂസ ഹാജി, ടി.കെ ഇബ്രാഹിം കുട്ടി മുസ്‌ലിയാര്‍, എം ഹൈദര്‍ മുസ്‌ലിയാര്‍, കെ.വി ബീരാന്‍ മാസ്റ്റര്‍, പി.കെ അബ്ദുല്‍ റസാഖ് ഫൈസി, പി മൊയ്തീന്‍ മുസ്‌ലിയാര്‍, ലുഖ്മാനുല്‍ഹഖീം ഫൈസി, സി.കെ മൊയ്തീന്‍കുട്ടി മുസ്‌ലിയാര്‍, അബ്ദുറഷീദ് മുസ്‌ലിയാര്‍ സംബന്ധിക്കും.
ഞായറാഴ്ച നടക്കുന്ന സമാപന സമ്മേളനം എം അബൂബക്കര്‍ മുസ്‌ലിയാര്‍ ചേളാരി ഉദ്ഘാടനം ചെയ്യും. പി.കെ അബ്ദുല്‍ ഖാദിര്‍ അല്‍ഖാസിമി അധ്യക്ഷനാകും. കെ.കെ.എസ് തങ്ങള്‍ വെട്ടിച്ചിറ സംബന്ധിക്കും.
സയ്യിദ് ഫഖുറുദ്ദീന്‍ തങ്ങള്‍, ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി സമ്മാന ദാനം നിര്‍വഹിക്കും. കെ.എം.എ റസാഖ് മൗലവി, എന്‍ അബ്ദുല്‍ഗഫാര്‍ മുസ്‌ലിയാര്‍, എന്‍.ടി.എം കുട്ടി മുസ്‌ലിയാര്‍ വാര്‍ത്താസമ്മേളനത്തില്‍ പങ്കെടുത്തു.