കൊച്ചി: അഞ്ചാമത് ഇന്ത്യന്‍ ഓപ്പണ്‍ ലോക റാങ്കിങ് സ്‌നൂക്കര്‍ ടൂര്‍ണമെന്റ് ഇന്ന് ബോള്‍ഗാട്ടി ഗ്രാന്‍ഡ് ഹയാത്തില്‍ ആരംഭിക്കും. ലോകത്തിലെ 64 ഒന്നാം നമ്പര്‍ താരങ്ങള്‍ മാറ്റുരയ്ക്കുന്ന മത്സരത്തിലെ വിജയിക്ക് ട്രോഫിയും 50,000 യൂറോയുമാണ് സമ്മാനമായി ലഭിക്കുക. മൊത്തം പ്രൈസ് മണി 323,000 യൂറോ ആണ്. കഴിഞ്ഞ ഓഗസ്റ്റില്‍ ഇംഗ്ലണ്ടിലെ പ്രീസ്റ്റണില്‍ 128 മത്സരാര്‍ഥികള്‍ പങ്കെടുത്ത ഇന്ത്യന്‍ ഓപ്പണില്‍ നിന്നാണ് 64 പേരെ തിരഞ്ഞെടുത്തത്.ലോക പ്രൊഫഷനല്‍ ബില്യാര്‍ഡ്‌സ് ആന്‍ഡ് സ്‌നൂക്കര്‍ അസോസിയേഷന്റെ 2018-19 സീസണിലെ 15-ാമത് റാങ്കിങ് ടൂര്‍ണമെന്റാണിത്. പ്രളയം മൂലം മാറ്റിവച്ച ടൂര്‍ണമെന്റ് കൂടിയാണിത്.

നിലവിലുള്ള ചാംപ്യനായ ജോണ്‍ ഹിഗ്ഗില്‍സ്, ആഷ്‌ലി ഹഗില്‍, ഡൊമിനിക് ഡെയ്ല്‍, ബെന്‍ വൂള്ളസ്റ്റാന്‍, ജാക് ലിസോവ്‌സ്‌കി, നീല്‍ റോബര്‍ട്ട്‌സണ്‍, ഡ്യൂവാനെ ജോണ്‍സ്, സൊഹേല്‍ വഹേദി, ആന്‍ഡി ഹിക്‌സ്, ഷോണ്‍ മര്‍ഫി, എന്നീ പ്രമുഖര്‍ കിരീടത്തിനായി കൊച്ചിയില്‍ മാറ്റുരയ്ക്കും.