ബംഗളൂരു: ആശുപത്രി കെട്ടിടത്തിന് മുകളില്‍ നിന്ന് വീണ് ബംഗളൂരുവില്‍ കൊവിഡ് ബാധിതന്‍ മരിച്ചു. വിക്ടോറിയ ആശുപത്രിയിലാണ് സംഭവം.
50കാരനാണ് മരിച്ചത്. ആത്മഹത്യയെന്നാണ് സംശയിക്കുന്നത്. ശ്വാസതടസ്സത്തെ തുടര്‍ന്ന് ഏപ്രില്‍ 24നാണ് ഇയാളെ ആശുപത്രിയില്‍ പ്രവേശിപ്പിച്ചത്. പിന്നീട് നടത്തിയ പരിശോധനയില്‍ കൊവിഡ് രോഗിയാണെന്ന് സ്ഥിരീകരിച്ചു. ഹംപിനഗര്‍ സ്വദേശിയായ ഇയാള്‍ക്ക് രോഗം പകര്‍ന്നതെന്ന് സംശയിക്കുന്ന 45കാരി കഴിഞ്ഞ ദിവസം മരിച്ചിരുന്നു. ഇതിന്റെ മാനസിക സമ്മര്‍ദ്ദമായിരിക്കാം ഇയാളെ ആത്മഹത്യയിലേക്ക് നയിച്ചതെന്ന് കരുതുന്നു.
രാവിലെ 8.30ഓടെയാണ് മരണം സംഭവിച്ചത്. എന്നാല്‍ ഇത് ആത്മഹത്യയാണോ അപകടമരണമാണോയെന്ന് ഉറപ്പിക്കാനായിട്ടില്ലെന്ന് പൊലിസ് പറയുന്നു.