കഴക്കൂട്ടം: പതിനൊന്നുവയസുകാരിയായ വിദ്യാര്‍ഥിനിയെ പീഡിപ്പിക്കാന്‍ ശ്രമിച്ചയാള്‍ അറസ്റ്റില്‍. നഗരൂര്‍ ദര്‍ശനവട്ടം ആല്‍ത്തറ മൂട്ടില്‍ മണപ്പള്ളി വീട്ടില്‍ ഹരിദാസ് (48) ആണ് അറസ്റ്റിലായത്. മാതാപിതാക്കള്‍ ജോലിക്ക് പോയിരിക്കുകയായിരുന്ന വീട്ടില്‍ അമ്മൂമ്മയും പെണ്‍കുട്ടിയുമാത്രമാണുണ്ടായിരുന്നത്. ബുധനാഴ്ച ഉച്ചയ്ക്ക് 12മണിയോടെ കറിവേപ്പില പറിക്കാനെന്ന വ്യാജേനെ വീട്ടിലെത്തിയ ഹരിദാസ് ജനാലയ്ക്ക് സമീപം കിടക്കുകയായിരുന്ന പെണ്‍കുട്ടിയെ കടന്നുപിടിക്കാന്‍ ശ്രമിച്ചുവെന്നാണ് പരാതി. മംഗലപുരം പൊലിസാണ് പ്രതിയെ പിടികൂടിയത്.