മിലാന്‍: ഇറ്റാലിയന്‍ കപ്പില്‍ രണ്ടാം പാദ സെമിയില്‍ നാപ്പോളിയോട് 3-2ന് തോറ്റെങ്കിലും ഗോള്‍ ശരാശരിയില്‍ 5-4 എന്ന സ്‌കോറിന് യുവന്റസ് ഫൈനലില്‍ കടന്നു. നിര്‍ണായകമായ മത്സരത്തില്‍ ഗോണ്‍സാലോ ഹിഗ്വയ്‌ന്റെ ഇരട്ട ഗോളുകളാണ് യുവന്റസിനെ രക്ഷപ്പെടുത്തിയത്. മാറക് ഹാംസിക്, ഡ്രൈയസ് മെര്‍ട്ടെന്‍സ്, ലോറെന്‍സോ ഇന്‍സാഗ്നി എന്നിവര്‍ നാപ്പോളിക്കായി സ്‌കോര്‍ ചെയ്തു. എന്നാല്‍ സമനിലയ്ക്കായുള്ള ഗോളിനായി പൊരുതിയ നാപ്പോളിക്ക് മുന്‍ താരത്തിന്റെ ഗോളുകള്‍ തിരിച്ചടിയായി. അതേസമയം ജൂണ്‍ രണ്ടിന് നടക്കുന്ന ഫൈനലില്‍ ലാസിയോയാണ് യുവന്റസിന്റെ എതിരാളി.