കണ്ണൂര്‍: മലയാളത്തിന്റെ പ്രിയ കഥാകൃത്ത് ടി. പത്മനാഭനും നട്ടെല്ലിന്റെ സ്ഥാനത്ത് വാഴപ്പിണ്ടിയാണെന്ന ആരോപണവുമായി യൂത്ത് കോണ്‍ഗ്രസ്. യൂത്ത് കോണ്‍ഗ്രസ് സംസ്ഥാന കമ്മിറ്റി സംഘടിപ്പിക്കുന്ന ധീര രക്തസാക്ഷികള്‍ എന്ന പരിപാടിയില്‍ പങ്കെടുക്കാനായി ക്ഷണിച്ചപ്പോള്‍ പങ്കെടുക്കാന്‍ കഴിയില്ലെന്ന് പത്മനാഭന്‍ അറിയിച്ചതാണെത്രെ യൂത്ത് കോണ്‍ഗ്രസിനെ പ്രകോപിപ്പിച്ചത്. കണ്ണൂര്‍ ലോക്‌സഭാ മണ്ഡലം പ്രസിഡന്റ് റിജില്‍ മാക്കുറ്റിയാണ് പത്മനാഭനെതിരേ രൂക്ഷ വിമര്‍ശനവുമായി രംഗത്തെത്തിയത്.

കേരളത്തിലെ പല സാംസ്‌കാരിക പ്രവര്‍ത്തകരുടെയും പൊതു സ്വഭാവം ഇതാണ്. കൊന്നത് സി.പി.എമ്മാണ്. അതുകൊണ്ട് അവരുടെ പേനയില്‍ മഷി ഉണ്ടാകില്ല. സി.പിഎമ്മിനെ കാണുമ്പോള്‍ നട്ടെല്ലിനു പകരം വാഴപ്പിണ്ടിയുമായി നടക്കുന്നു. എന്നും പത്മനാഭനെക്കുറിച്ച് കുറിപ്പില്‍ വിശേഷിപ്പിക്കുന്നുണ്ട്. സമൂഹ മാധ്യമങ്ങളില്‍ കോണ്‍ഗ്രസ് പ്രവര്‍ത്തകര്‍ക്ക് നിയന്ത്രണം ഏര്‍പ്പെടുത്തിയതിനെയൊക്കെ വിസ്മരിച്ചുകൊണ്ടാണ് യൂത്ത് കോണ്‍ഗ്രസ് പ്രാദേശിക നേതാവിന്റെ വിമര്‍ശനം എന്നതും ശ്രദ്ധേയമാണ്.