കൊല്‍ക്കത്ത: ഐ ലീഗില്‍ തങ്ങളുടെ അവസാന മത്സരം അവിസ്മരണീയമാക്കി ഇന്ത്യന്‍ ആരോസ്. 3-1 ന് മോഹന്‍ ബഗാനെ തരിപ്പണമാക്കിയാണ് ഇന്ത്യന്‍ ആരോസ് അവസാന മത്സരം അവിസ്മരണീയമാക്കിയത്. മോഹന്‍ ബഗാന്റെ ഹോം ഗ്രൗണ്ടില്‍ നടന്ന മത്സരത്തില്‍ 17-ാം മിനുട്ടില്‍ മല്ലിക്കിലൂടെ ബഗാന്‍ ഒരു ഗോളിന്റെ ലീഡ് നേടി. 58-ാം മിനുട്ടില്‍ അഭിജിത് സര്‍ക്കാര്‍ ആരോസിന്റെ സമനില ഗോള്‍ നേടി.

ഇതോടെ ആദ്യ പകുതിയില്‍ ഇരു ടീമുകളും സമനില പാലിച്ചു. 74-ാം മിനുട്ടില്‍ മികച്ചൊരു മുന്നേറ്റത്തിലൂടെ മലയാളി താരം കെ.പി രാഹുല്‍ ആരോസിനെ മുന്നിലെത്തിച്ചു. തുടര്‍ന്ന് പകരക്കാരനായെത്തിയ രോഹിത് ദാനുവും ആരോസിനായി ഗോള്‍ നേടി ലീഡ് രണ്ടാക്കി ഉയര്‍ത്തി. ഇതോടെ 20 മത്സരത്തില്‍ നിന്ന് 21 പോയിന്റുമായി ആരോസ് ഏഴാം സ്ഥാനത്തെത്തി.