ചാലക്കുടി: വാല്‍പ്പാറയില്‍ വീട്ടമ്മയെ കൊലപ്പെടുത്തിയ പുലി കെണിയില്‍ കുടുങ്ങി. സിങ്കോള തോട്ടത്തില്‍ വനംവകുപ്പ് സ്ഥാപിച്ച കെണിയില്‍ ശനിയാഴ്ച രാത്രി 11.30 ഓടെ പുലി കുടുങ്ങുകയായിരുന്നു. ഒന്‍പത് വയസ് പ്രായമുള്ള ആണ്‍ പുലിയാണ് കെണിയില്‍ കുടുങ്ങിയത്. പുലിയെ ഇന്നലെ മൈസൂര്‍ മൃഗശാലയിലേക്ക് മാറ്റി. പുലിയുടെ ആക്രമണത്തില്‍ കഴിഞ്ഞ ദിവസം കാഞ്ചമല എസ്റ്റേറ്റിലെ കൈലാസവതിയാണ് കൊല്ലപ്പെട്ടത്. കഴിഞ്ഞ ആറു മാസത്തിനിടെ അഞ്ചു തവണയാണ് വാല്‍പ്പാറയില്‍ പുലിയിറങ്ങിയത്.