നിസാമാബാദ്: അനുയോജ്യമായ സഖ്യകക്ഷികളെ കിട്ടാത്ത സാഹചര്യത്തില്‍ തെലങ്കാനയില്‍ ലോക്‌സഭാ തെരഞ്ഞെടുപ്പില്‍ തനിച്ച് മത്സരിക്കാന്‍ ബി.ജെ.പി. സംസ്ഥാനത്തെ 17 ലോക്‌സഭാ മണ്ഡലങ്ങളിലും പാര്‍ട്ടി ഒറ്റക്കായിരിക്കും മത്സരിക്കുകയെന്ന് സംസ്ഥാന അധ്യക്ഷന്‍ കെ. ലക്ഷ്മണ്‍ അറിയിച്ചു.

മോദി ഒരിക്കല്‍ക്കൂടി പ്രധാനമന്ത്രിയാകുമെന്ന കാര്യത്തില്‍ സംശയമില്ലെന്ന് അദ്ദേഹം പറഞ്ഞു. ജനങ്ങളുടെ ക്ഷേമത്തിനായി മോദി സര്‍ക്കാര്‍ ചെയ്ത പ്രവൃത്തികള്‍ ബി.ജെ.പി സര്‍ക്കാരിനെ വീണ്ടും അധികാരത്തിലെത്തിക്കുമെന്ന കാര്യത്തില്‍ സംശയമില്ല. നിയമസഭാ തെരഞ്ഞെടുപ്പില്‍ ഉണ്ടായ സാഹചര്യമല്ല ലോക്‌സഭാ തെരഞ്ഞെടുപ്പില്‍ ഉണ്ടാകുക. തെരഞ്ഞെടുപ്പ് രംഗത്ത് സ്വീകരിക്കേണ്ട നടപടികളും തന്ത്രങ്ങളും ഈ മാസം ആറിന് നടക്കുന്ന യോഗത്തില്‍ ഉണ്ടാകും.