ബംഗളൂരു: ബന്ദിപ്പൂരില്‍ തീപിടിത്തം നിയന്ത്രണ വിധേയമായതായി സര്‍ക്കാര്‍ അറിയിച്ചു. രണ്ടു ദിവസങ്ങളിലായി നിയന്ത്രണാധീതമായിരുന്ന അഗ്നിബാധ ഇന്നലെത്തോടെ നിയന്ത്രണ വിധേയമായിട്ടുണ്ട്. കാറ്റടിക്കുന്നതു കാരണം തീ ആളിക്കത്തുകയായിരുന്നു. ഇന്നലെ തീപിടിത്തം കൂടുതല്‍ ഭാഗത്തേക്കു പടരുന്നത് കണ്ടെത്തിയിട്ടില്ല. ഗോപാലസ്വാമി ബെട്ട റേഞ്ചിലെ മദ്ദൂര്‍, മൂലെഹോളെ ഭാഗങ്ങളിലാണ് തീപിടിച്ചിരുന്നത്. ഇവിടെ നിന്നാണ് മറ്റിടങ്ങളിലേക്ക് തീ പടര്‍ന്നത്. 100 മുതല്‍ 200 മീറ്റര്‍ വരെ ഫയര്‍ ലൈന്‍ സ്ഥാപിച്ച് തീ മറ്റിടങ്ങളിലേക്ക് പടരാതിരിക്കാനുള്ള ശ്രമങ്ങള്‍ തുടരുകയാണ്.