കൊല്ലം: കുടുംബശ്രീയുടെ വിവിധ പരിപാടികള്‍ ഏകോപിപ്പിക്കുന്നതിനും ഫീല്‍ഡില്‍ പഞ്ചായത്തടിസ്ഥാനത്തില്‍ വിവിധ പദ്ധതികളില്‍ പരിശീലനം നടത്തുന്നതിനും സാമൂഹ്യ പ്രവര്‍ത്തനത്തിന് സന്നദ്ധരായ പ്ലസ് ടൂ യോഗ്യതയുള്ള വനിതകള്‍ക്ക് അപേക്ഷിക്കാം.
കുടുംബശ്രീ സംഘടനാ സംവിധാനത്തില്‍ പ്രവര്‍ത്തിച്ചിട്ടുള്ളവര്‍ക്കും വിദ്യാര്‍ഥികള്‍ക്കും ഡിഗ്രി കഴിഞ്ഞവര്‍ക്കും കമ്പ്യൂട്ടര്‍ പരിജ്ഞാനമുള്ളവര്‍ക്കും മുന്‍ഗണന നല്‍കും.
വെള്ളക്കടലാസില്‍ തയ്യാറാക്കിയ അപേക്ഷ അടുത്തുള്ള തദ്ദേശ സ്വയംഭരണ സ്ഥാപനത്തിലെ സി ഡി എസ് വഴിയോ നേരിട്ടോ സിവില്‍ സ്റ്റേഷനിലെ കുടുംബശ്രീ ജില്ലാ മിഷന്‍ ഓഫീസില്‍ ജൂലൈ ഒന്‍പതിനകം നല്‍കണം. തിരഞ്ഞെടുപ്പിനുള്ള അഭിമുഖം 11ന് രാവിലെ 10ന് ഓഫീസില്‍ നടക്കും. ഫോണ്‍: 9745977100.