അബൂജ: നൈജീരിയയിലുണ്ടായ ഇരട്ട ചാവേര്‍ ആക്രമണത്തിലും റോക്കറ്റാക്രമണത്തിലുമായി 34 പേര്‍ മരിച്ചു. 18 പേര്‍ക്ക് പരുക്കേറ്റു. കിഴക്കു പടിഞ്ഞാറന്‍ നഗരമായ ദാംബപോയിലാണ് ശനിയാഴ്ചയാണ് സംഭവം.
നഗരത്തിലുണ്ടായ റോക്കറ്റാക്രമണത്തിന് പിന്നാലയാണ് ചാവേര്‍ സ്‌ഫോടനമുണ്ടായത്. ആക്രമണത്തിന്റെ ഉത്തരാവാദിത്വം ആരും ഇതുവരെ ഏറ്റെടുത്തിട്ടില്ല. നൈജീരിയ-ക്രൊയേഷ്യ ലോകകപ്പ് ഫുട്‌ബോള്‍ കാണുന്നവര്‍ക്കിടിയിലാണ് ആക്രമണമുണ്ടായത്. റോക്കറ്റാക്രമണത്തിലാണ് കൂടുതല്‍ പേരും മരിച്ചതെന്ന് പ്രാദേശിക വൃത്തങ്ങള്‍ അറിയിച്ചു. ചാവേര്‍ ആക്രമണത്തിലാണ് പത്ത് പേര്‍ മരിച്ചത്. തുടര്‍ന്നുണ്ടായ റോക്കറ്റാക്രമണത്തിലാണ് 24 പേര്‍ മരിച്ചതെന്ന് അധികൃതര്‍ അറിയിച്ചു. ആക്രമണത്തിന് പിന്നില്‍ ബോകോ ഹറാം തീവ്രവാദികളാണെന്നാണ് സംശയിക്കുന്നത്.