ഉപ്പള: നഗരത്തില്‍ ഗുണ്ടാ വിളയാട്ടം. പ്രദേശത്തെ ഒരു ബേക്കറി കട അടിച്ചുതകര്‍ത്തു.
ഒരാഴ്ചയ്ക്കിടെ ഇത് മൂന്നാം തവണയാണ് ഉപ്പളയില്‍ ഗുണ്ടാ അക്രമം നടക്കുന്നത്. കഴിഞ്ഞദിവസം രാത്രിയോടെയാണ് സംഭവം. ഉപ്പള കൈക്കമ്പ കേന്ദ്രീകരിച്ചുള്ള കഞ്ചാവ് സംഘമാണ് അക്രമം നടത്തുന്നതെന്ന് പ്രദേശവാസികള്‍ ആരോപിച്ചു.
കൈക്കമ്പയില്‍ പ്രവര്‍ത്തിക്കുന്ന അയ്യങ്കാര്‍ ബേക്കറിയാണ് കഴിഞ്ഞദിവസം രാത്രി അക്രമികള്‍ തകര്‍ത്തത്. ബേക്കറിക്ക് പുറത്തു വച്ചിരുന്ന സോഡാ കുപ്പികളും നശിപ്പിച്ച നിലയിലാണ്.
ഉപ്പളയിലെ ഇത്തരം മാഫിയാസംഘങ്ങളെ നിയന്ത്രിച്ചില്ലെങ്കില്‍ ജനജീവിതത്തിന് ഭീഷണിയാകുമെന്നും നഗരത്തിലെ കടകള്‍ക്ക് പൊലിസ് സംരക്ഷണം ഉറപ്പാക്കണമെന്നും വ്യാപാരികള്‍ ആവശ്യപ്പെട്ടു.