മലപ്പുറം: പാണക്കാട് പാറമ്മല്‍ വളവില്‍ കോളജ് ബസും സ്വകാര്യബസും കൂട്ടിയിച്ച് സിവില്‍ എക്‌സൈസ് ഓഫിസര്‍ മരിച്ചു. മലപ്പുറം ഉമ്മത്തൂര്‍ പള്ളിത്തൊടി ശരീഫ് (26) ആണ് മരിച്ചത്. ഇന്നു രാവിടെ എട്ടരയോടെയാണ് അപകടം. സ്വകാര്യബസിന്റെ പിന്‍സീറ്റിലിരുന്നു യാത്രചെയ്യുകയായിരുന്നു ഷരീഫ്. ബസിലെ കമ്പി തുളച്ചുകയറി പരുക്കേറ്റ് ശരീഫിനെ മലപ്പുറത്തെ സ്വകാര്യ ആശുപത്രിയിലെത്തിച്ചെങ്കിലും മരിക്കുകയായിരുന്നു.

വേങ്ങര ഭാഗത്തേക്കു പോവുകയായിരുന്ന സ്വകാര്യ ബസും മലപ്പുറം ഭാഗത്തേക്ക് വരികയായിരുന്ന കോളജ് ബസുമാണ് ഇടിച്ചത്. ഏതാനും ദിവസം മുന്‍പാണ് ശരീഫ് കാസര്‍കോഡ് ജില്ലയില്‍ എക്‌സൈസ് വിഭാഗത്തില്‍ ജോലിയില്‍ പ്രവേശിച്ചത്.