വെളിമുക്ക്: അസ്മി സംസ്ഥാന പ്രവേശനോത്സവം വെളിമുക്ക് ക്രസന്റ് റെസിഡന്‍ഷ്യല്‍ സ്‌കൂളില്‍ നടന്നു.പ്രൊഫ. യു.വി.കെ മുഹമ്മദ് ഉദ്ഘാടനം ചെയ്തു. ശുദ്ധപ്രകൃതരായി വളരുന്ന കുട്ടികള്‍ക്ക് അവരുടെ പ്രശ്‌നത്തിന്റ യഥാര്‍ഥ കാരണം കണ്ടെത്തുന്നതിന് രക്ഷിതാക്കള്‍ പ്രത്യേക വൈഭവം നേടണമെന്നും അതിലൂടെയാണ് യഥാര്‍ഥ രക്ഷിതാക്കളാവാന്‍ സാധിക്കുകയുള്ളൂവെന്നും ഉദ്ഘാടന പ്രസംഗത്തില്‍ അദ്ദേഹം സൂചിപ്പിച്ചു. സ്‌കൂള്‍ കുട്ടികളുടെ വിവിധ കലാപരിപാടികളും മധുര പലഹാര വിതരണവും ഉദ്ഘാടനത്തോടനുബന്ധിച്ച് നടന്നു. അസ്മി ട്രഷറര്‍ കെ.കെ .എസ് തങ്ങള്‍ വെട്ടിച്ചിറ അധ്യക്ഷനായി. അബ്ദുല്ല മാസ്റ്റര്‍ കോട്ടപ്പുറം മുഖ്യ പ്രഭാഷണം നടത്തി. അന്‍വര്‍ സാദത്ത്, കുഞ്ഞി ബാവ മാസ്റ്റര്‍, ഒ.കെ.എം കുട്ടി ഉമരി, അബ്ദുറഹ്മാന്‍ മാസ്റ്റര്‍ , മുസ്തഫ മുസ്‌ലിയാര്‍, എ. മുഹമ്മദ് അലി എന്നിവര്‍ ആശംസകള്‍ അര്‍പ്പിച്ചു. അസ്മി സംസ്ഥാന ജന. സെക്രട്ടി ഹാജി പി.കെ. മുഹമ്മദ് സ്വാഗതവും അബ്ദുല്‍ ഹകീം വാഫി നന്ദിയും പറഞ്ഞു.