മംഗളൂരു: മലയാളികളായ അഞ്ച് അന്തര്‍സംസ്ഥാന മോഷ്ടാക്കളെ ഉള്ളാള്‍ പൊലിസ് പിടികൂടി. തൃശൂര്‍ സ്വദേശികളായ അത്തിയൂര്‍ മുഹമ്മദ് ഫൈസല്‍ (24), ചേലക്കര മുഹമ്മദ് ഷരീഫ് (25), ചാവക്കാട് അനസ് (21), അത്തിയൂര്‍ സലീം (30), അഞ്ചേരി സുജിത് (24) എന്നിവരെയാണ് ഉള്ളാള്‍ പൊലിസ്, ആന്‍ഡി റൗഡി സ്‌ക്വാഡ് എന്നിവര്‍ ചേര്‍ന്ന് അറസ്റ്റ് ചെയ്തത്.
ഉള്ളാള്‍ പ്രദേശത്ത് കവര്‍ച്ച പദ്ധതിയിടുന്നതിനിടെയാണ് സംഘം വലയിലായതെന്ന് പൊലിസ് പറഞ്ഞു. വ്യാജ നമ്പര്‍ പതിച്ച വാഹനത്തിലാണ് സംഘം എത്തിയത്. വാഹനവും ആയുധങ്ങളും ഇവരില്‍നിന്ന് പൊലിസ് പിടിച്ചെടുത്തു. പിടിയിലായ മുഹമ്മദ് ഫൈസല്‍ കേരളത്തില്‍ ഒട്ടനവധി കേസുകളില്‍ പ്രതിയാണെന്ന് ഉള്ളാള്‍ പൊലിസ് അറിയിച്ചു.