കാഞ്ഞങ്ങാട്: ലയണ്‍സ് ഗ്ലോബല്‍ വില്ലേജിന്റെയും പേപ്പര്‍ ബാഗ് നിര്‍മാണ യൂനിറ്റിന്റെയും ഉദ്ഘാടനം നാളെ നടക്കുമെന്ന് ബന്ധപ്പെട്ടവര്‍ വാര്‍ത്താസമ്മേളനത്തില്‍ അറിയിച്ചു. ഗ്ലോബല്‍ വില്ലേജിന്റെ ഉദ്ഘാടനം നഗരസഭാ ചെയര്‍മാന്‍ വി.വി രമേശനും പേപ്പര്‍ ബാഗ് യൂനിറ്റ് ഉദ്ഘാടനം വൈസ് ചെയര്‍പേഴ്‌സണ്‍ എല്‍ സുലൈഖയും നിര്‍വഹിക്കും.
പടന്നക്കാട് ലക്ഷം വീട് കോളനിയിലെ നവീകരിച്ച വീടുകളുടെ താക്കോല്‍ദാനം മുഖ്യാതിഥിയായ സി.എ.കെ ശിവപ്രസാദ് നിര്‍വഹിക്കും. ലക്ഷം വീട് കോളനിയിലെ കുട്ടികള്‍ക്കും മുതിര്‍ന്നവര്‍ക്കും വേണ്ടി വായന ശാല, തുടര്‍ പഠനത്തിനുള്ള പദ്ധതികള്‍ തുടങ്ങിയവ നടപ്പാക്കുമെന്നും ഇവര്‍ പറഞ്ഞു.
വാര്‍ത്താസമ്മേളനത്തില്‍ ജോയ് ജോസഫ്, മുഹമ്മദ് അഷ്‌കര്‍ അലി തുടങ്ങിയവര്‍ സംബന്ധിച്ചു.