പഴയങ്ങാടി: ഡി.വൈ.എഫ്.ഐ മാടായി നോര്‍ത്ത് മേഖല കമ്മിറ്റിയുടെ ധനരാജ് സ്മാരക ജില്ലാതല വോളിബോള്‍ ടൂര്‍ണമെന്റിന് ഇന്ന് അടുത്തില റെഡ്സ്റ്റാര്‍ ഫ്‌ളഡ്‌ലിറ്റ് ഗ്രൗണ്ടില്‍ തുടക്കമാകും. 11 വരെ നടക്കുന്ന മത്സരത്തില്‍ ജില്ലയിലെ എട്ടു പ്രമുഖ ടീമുകള്‍ പങ്കെടുക്കും. വിജയികള്‍ക്ക് സി. കുമാരന്‍ സ്മാരക ട്രോഫിയും കാഷ് അവാര്‍ഡും. വോളി ഇന്ന്  മുന്‍ ജില്ലാപഞ്ചായത്ത് പ്രസി. ഒ.വി നാരായണന്‍ ഉദ്ഘാടനം ചെയ്യും. ഉദ്ഘാടന മത്സരത്തില്‍ ഫ്രാന്‍സ് മുത്തത്തി- റിവര്‍സ്റ്റാര്‍ പറവൂരുമായി ഏറ്റു മുട്ടും. വാര്‍ത്താസമ്മേളനത്തില്‍ വി. വിനോദ്, ടി.വി സജീഷ്, വരുണ്‍ ബാലകൃഷ്ണന്‍, വി.വി പ്രദീപന്‍, പി.വി വേണുഗോപാലന്‍, കെ. വിപിന്‍, ടി.വി കുഞ്ഞിരാമന്‍ സംബന്ധിച്ചു.